Lestu um leikinn: FH 0 -  2 KR

Rúnar Kristinsson var virkilega ánægður með sigurinn og ekki síst að ná að halda hreinu.
„Já það er ofboðslega mikilvægt og það er gott fyrir sjálfstraust liðsins, varnarmannana sem byrjuðu í dag og við þurftum að gera breytingar útaf meiðslum og örðu slíku og það er bara góðs viti að þeir sem komu inn geta staðið vaktina vel á móti svona góðu liði."


„Maður var nátturlega aldrei rólegur en varnarleikur liðsins í heildinni og samvinna leikmanna í að hlaupa og loka svæðum og reyna að loka á þeirra hættulegustu menn. Þeir eru með frábæran senter í Matthíasi Vilhjálmssyni og í kringum hann með Jónatan og Ágúst og með Lennon, þetta eru frábærir leikmenn fram á við." Sagði Rúnar aðspurður um hvað það hafi verið sem hafi klárað leikinn fyrir KR.

Landsliðshópurinn var tilkynntur í gær og mátti þar finna sjö leikmenn úr Pepsi Max deildinni en enginn þeirra kemur úr herbúðum KR.
„Ég er ekki búin að skoða þennan hóp og hef engar áhyggjur af honum. Ég ætla ekki að hafa neina skoðun á landsliðshópnum.

Nánar er rætt við Rúnar Kristinsson þjálfara KR í spilaranum hér fyrir ofan.