Lestu um leikinn: Stjarnan 0 -  1 KA

„Við fengum nóg af tækifærum til að skora en boltinn fór í menn og markmaður þeirra varði og nýttum ekki færin í þeim stöðum sem við fengum. Fáum á okkur eitt mark og ef þú skorar ekki mörk að þá vinnuru aldrei leiki."

„Í heildina vorum við að spila vel á köflum og vorum að skapa okkur góðar stöður og sköpuðum okkur góð færi til að klára þennan leik en það er lítið að detta með okkur þessa dagana og það var eins í dag."

„Það segir sig sjálft að hvaða lið sem vinnur ekki fótboltaleiki, það leggst á þá. Við vorum betra liðið í dag og vorum að fá nógu mikið af færum en við erum ekki að skora.

Aðspurður hvort að Stjarnan þurfi að bæta við sóknarmanni í sumar svaraði Toddi

„Ég er ekkert farinn að velta því fyrir mér. Það er langt í gluggann og og það var nógu langur gluggi í allan vetur til að gera hlutina, alveg frá síðastliðinu hausti og næsti gluggi kemur ekki strax."

Nánar er rætt við Todda í sjónvarpinu hér að ofan. Beðist er velvirðingar á því hversu mikið myndavélin hristist.