Það tók Aubameyang 17 mínútur að gera fyrsta mark leiksins. Bukayo Saka átti skot sem markvörður WBA varði út í teiginn, á Aubameyang sem skoraði.

Martin Ödegaard, sem var keyptur frá Real Madrid á dögunum, átti stangarskot nokkrum mínútum síðar en annað mark Arsenal kom ekki fyrr en undir lok fyrri hálfleiksins. Aubameyang var aftur réttur maður á réttum stað. Nicolas Pepe átti skot sem fór í stöngina, á Aubameyang sem klikkaði ekki úr auðveldu færi.

Pepe skoraði svo í næstu sókn eftir undirbúning frá Aubameyang og Arsenal með góða 3-0 forystu í hálfleik.

Saka bætti við fjórða markinu eftir sendingu frá Ödegaard áður en Aubameyang fullkomnaði þrennu sína. Frábær frammistaða frá honum.

Alexandre Lacazetta kom inná sem varamaður á 68. mínútu og skoraði aðeins mínútu síðar. Góður leikur hjá Arsenal og 6-0 sigur staðreynd. Mikel Arteta, stjóri Arsenal, getur andað aðeins léttar eftir töp í fyrstu tveimur leikjum deildarinnar.

Southampton skoraði átta mörk gegn Newport County. Mohamed Elyounoussi skoraði þrennu fyrir úrvalsdeildarliðið. Armando Broja, Nathan Tella og Kyle Walker-Peters gerðu öll mörk fyrri hálfleiksins en Southampton bætti svo við fimm mörkum í þeim síðari.

Elyounoussi skoraði tvö mörk á fyrstu sjö mínútunum áður en Broja gerði annað mark sitt. Nathan Redmond skoraði sjöunda markið áður en Elyounoussi gerði þrennuna í uppbótartíma.

Burnley vann þá Newcastle United eftir vítaspyrnukeppni. Staðan var markalaust eftir venjulegan leiktíma en Burnley hafði betur í vítakeppninni, 4-3.

Jóhann Berg Guðmundsson var hvíldur í dag og því ekki í leikmannahópi Burnley.

Úrslit og markaskorarar:

Newcastle 0 - 0 Burnley (3-4, Burnley áfram eftir vítakeppni)

Newport 0 - 8 Southampton
0-1 Armando Broja ('9 )
0-2 Nathan Tella ('25 )
0-3 Kyle Walker-Peters ('44 )
0-4 Mohamed Elyounoussi ('48 )
0-5 Mohamed Elyounoussi ('55 )
0-6 Armando Broja ('57 )
0-7 Nathan Redmond ('69 )
0-8 Mohamed Elyounoussi ('90 )

West Brom 0 - 6 Arsenal
0-1 Pierre Emerick Aubameyang ('17 )
0-2 Nicolas Pepe ('45 )
0-3 Pierre Emerick Aubameyang ('45 )
0-4 Bukayo Saka ('50 )
0-5 Pierre Emerick Aubameyang ('62 )
0-6 Alexandre Lacazette ('69 )