Lánssamningur Kolbeins Birgis Finnssonar við Fylki rennur út á miðnætti en hann er á láni frá Brentford. Árbæingar vilja halda honum en flækjustigin eru nokkur.
Lestu um leikinn: Fylkir 3 - 2 KA
Eftir sigur Fylkis gegn KA í dag var Kolbeinn spurður að því hvort þetta hefði verið hans síðasti leikur fyrir Fylki?
„Satt að segja veit ég það ekki. Samningurinn er runninn út, Fylkir reynir örugglega að halda mér og ég er alveg til í það. Ég á eftir að skoða þetta, það hefur verið alveg ótrúlega gaman. En maður þarf að hugsa þetta rökrétt," segir Kolbeinn.
Samkvæmt heimildum Fótbolta.net hafa fleiri erlend félög áhuga á Kolbeini og voru einhverjir útsendarar í stúkunni í dag.
„Maður hefur heyrt af einhverjum áhuga hér og þar. Það er allt í óvissu núna."
Fylkir skoraði sigurmarkið í blálokin gegn KA.
„Þetta var geðveikur karakter og ég er ótrúlega stoltur af þessu.," segir Kolbeinn sem ræðir nánar um leikinn í sjónvarpinu hér að ofan.
Athugasemdir