Everton fær Chelsea í heimsókn á Goodison Park. Everton er í slæmum málum en liðið situr í 18. sæti deildarinnar með 29 stig, fimm stigum á eftir Burnley og Leeds en á tvo leiki til góða.

Chelsea á meðan er í 3. sætinu með 66 stig og vill tryggja það sæti sem allra fyrst en liðið er aðeins með sex stiga forystu á Arsenal.

Tottenham mætir þá Leicester í Lundúnum. Staðan er einfaldlega þannig að liðið þarf að vinna meirihluta leikjanna sem það á eftir til að eiga möguleika á 4. sætinu og síðasta sætinu sem gefur þátttökumiða í Meistaradeildina. Leicester siglir um miðja deild og er í 11. sætinu.

Það er annar mikilvægur leikur í Lundúnum en þar mætast West Ham og Arsenal. West Ham ætlar ekki að gefa baráttuna um Meistaradeildarsæti upp á bátinn og getur svo sannarlega hrist upp í hlutunum með sigri á Arsenal.

Leikir dagsins:
13:00 Everton - Chelsea
13:00 Tottenham - Leicester
15:30 West Ham - Arsenal