Albert þurfti að gangast undir aðgerð á ökkla eftir meiðsli sem hann varð fyrir í leik gegn Heracles í lok september.

Hann sneri aftur á völlinn með varaliði AZ í kvöld en hann byrjaði leikinn gegn Almere City.

Honum var skipt af velli í hálfleik en AZ hafði 3-1 sigur í leiknum.

Það er því möguleiki á því að Albert nái landsleiknum gegn Rúmeníu í umspilinu síðar í mánuðnum.

Þess má til gamans geta að Maxim Gullit var einnig í byrjunarliði AZ en hann er sonur Ruud Gullit sem spilaði með Feyenoord, PSV, Milan, Sampdoria og Chelsea og er af mörgum talinn einn af bestu leikmönnum sinnar kynslóðar.