Frans ræddi um andlát Maradona á nýju ári og minntist hans af ást og kærleik.

„Ég hitti Diego Armando Maradona á friðarleik 2014. Ég man með mikilli ánægju allt sem Diego gerði fyrir Scholas Occurrentes samtökin sem aðstoða fátæk börn um allan heim," sagði Frans.

„Á vellinum var hann ljóðskáld, sannur meistari sem færði gleði í hjarta milljóna. Á sama tíma var hann afar viðkvæmur maður.

„Þegar ég frétti af andláti hans bað ég fyrir honum og sendi fjölskyldunni rósakrans með persónulegum samúðarkveðjum."

Maradona var umdeildur persónuleiki þar sem hann glímdi við fíkn og var duglegur að gefa frá sér misgáfuleg ummæli í fjölmiðlum, þá sérstaklega eftir að ferlinum innan vallar lauk.