Sagt er að Börsungar vilji kaupa miðvörð og hægri bakvörð í vörnina en Quique Setien, þjálfari liðsins, er aðeins með þrjá kosti í miðvörðinn. Það eru þeir Gerard Pique, Clement Lenglet og Samuel Umtiti.

Sóknarlega er Barcelona að skoða tvo leikmenn, einn vængmann og einn fremsta mann sem getur hjálpað að dreifa álaginu á Luis Suarez. Þá er félagið opið fyrir því að fá inn miðjumann ef rétti leikmaðurinn er laus á markaðnum.

Lautaro Martínez, sóknarmaður Inter, er einn af þeim sem hefur verið orðaður við Börsunga.