„Mér líður ágætlega. Við lendum 2-0 undir í fyrri hálfleik og komum til baka og gerum tvö góð mörk. Auðvitað hefðum við viljað ná í þriðja með vindinn með okkur og orðnir einum fleiri en við erum þokkalega sáttir með að hafa náð í stig," sagði Guðlaugur Baldursson þjálfari Þróttar Reykjavíkur eftir 2-2 jafntefli við Gróttu á útivelli í kvöld.
Þróttur komu til baka eftir að hafa verið tveim mörkum undir í hálfleik. Þeir sóttu stig með hjálp Samuel Ford sem skoraði bæði mörk þeirra.
Þróttur komu til baka eftir að hafa verið tveim mörkum undir í hálfleik. Þeir sóttu stig með hjálp Samuel Ford sem skoraði bæði mörk þeirra.
Lestu um leikinn: Grótta 2 - 2 Þróttur R.
Laugi gerði fjórar breytingar á liði sínu í leiknum og áttu allir leikmennirnir mjög flotta innkomu. Laugi segist vera mjög ánægður með þeirra framlag.
„Ég er mjög ánægður með það að menn komi inn í leikina til þess að breyta þeim og til þess að gera eitthvað ekki bara til þess að koma inná."
Þróttur fær víti sem Gróttumenn voru ekki sáttir með ásamt rauðu spjaldi á Halldór Kristján Baldursson en Guðlaugur hafði ekki séð brotið.
„Er það ekki alltaf þannig að maður er sáttur ef maður fær vítið en ósáttur ef maður fær það ekki. En ég veit það ekki, ég sá það ekki. Mér fannst við eiga að fá víti á öðrum stað í leiknum en það bara skiptir ekki máli þetta er bara svona."
Viðtalið í heild sinni má sjá í sjónvarpinu hér að ofan
Athugasemdir