Aðalgeir Friðriksson hér til hægri skoraði dramatískt mark fyrir Hamar.
Úrslitakeppni 4. deildar hélt áfram í kvöld. Það er komið að undan úrslitum.
Hamar fékk Kormák/Hvöt í heimsókn en gestirnir komust yfir með marki frá Hilmari Þór Kárasyni á 21. mínútu. Það stefndi allt í sigur en á 94. mínútu skoraði Aðalgeir Friðriksson og jafnaði leikinn fyrir Hamar. 1-1 lokatölur.
Það var álíka dramatíkin í leik KH og Vængir Júpíters. KH komst yfir með marki Ervist Pali úr vítaspyrnu í fyrri hálfleik. Það var síðan Aron Fannar Hreinsson sem jafnaði metin fyrir Vængi Júpíters á 89. mínútu.
Síðari leikirnir fara fram á þriðjudaginn 7. september.
Hamar 1-1 Kormákur/Hvöt
0-1 Hilmar Þór Kárason ('21)
1-1 Aðalgeir Friðriksson (90+4)
KH 1-1 Vængir Júpíters
1-0 Ervist Pali, víti
1-1 Aron Fannar Hreinsson ('89)
Athugasemdir
