Kristrún Rut kom inn í leikhlé í erfiðum leik gegn toppliði AIK sem Mallbacken tapaði 1-3.

Mallbacken á enga von um að komast upp í efstu deild í ár þar sem liðið siglir lygnan sjó um miðja deild, með 26 stig eftir 19 umferðir.

Óskar Tor Sverrisson var þá ónotaður varamaður hjá Häcken sem vann góðan sigur á Falkenberg og er áfram í öðru sæti sænsku deildarinnar, sex stigum eftir Malmö.

Óskar, sem er 27 ára vinstri bakvörður, spilaði 90 mínútur í tapi í toppslag gegn Malmö í síðustu umferð en hefur annars fengið lítið af tækifærum hjá félaginu.

Bjarni Mark Antonsson var þá ekki í hópi Brage sem vann Örgryte í sænsku B-deildinni og að lokum var Birkir Valur Jónsson ekki í hópi hjá Spartak Trnava sem tapaði á heimavelli í Slóvakíu.

Að lokum var Samúel Kári Friðjónsson ekki í leikmannahópi Paderborn sem gerði markalaust jafntefli við Heidenheim í þýsku B-deildinni.