Joe Barone, framkvæmdastjóri Fiorentina, hefur beðið Victor Osimhen, Kalidou Koulibaly og André-Frank Zambo Anguissa, leikmenn Napoli, afsökunar á kynþáttafordómunum sem þeir urðu fyrir í 2-1 sigrinum á Flórensarliðinu í dag.
Stuðningsmenn Fiorentina létu öllum illum látum eftir leik og voru með kynþáttafordóma í garð svartra leikmanna Napoli.
Victor Osimhen og Kalidou Koulibaly voru öskureiðir yfir þessari hegðun og höfðu ástæðu til en Osimhen birti færslu á Twitter þar sem hann óskaði eftir því að foreldrar tali við börn sín og fái þau til að skilja að það er ógeðslegt að hata einstaklinga vegna húðlitar.
🇬🇧speak to your kids,your parents make them understands how disgusting it is to hate an individual because of the color of their skin NOTORACISM❌
— victor osimhen (@victorosimhen9) October 3, 2021
🇮🇹parla con i tuoi figli, i tuoi genitori fanno capire loro quanto sia disgustoso odiare un individuo per il colore della sua pelle pic.twitter.com/sV8udBXzBU
Koulibaly heyrði í stuðningsmönnunum og lét þá heyra það fyrir þessa hegðun en Barone, framkvæmdastjóri Fiorentina, gekk inn í klefa Napoli eftir leik og bað leikmenn afsökunar á framferði þeirra.
Athugasemdir