Stuðningsmenn Fiorentina létu öllum illum látum eftir leik og voru með kynþáttafordóma í garð svartra leikmanna Napoli.

Victor Osimhen og Kalidou Koulibaly voru öskureiðir yfir þessari hegðun og höfðu ástæðu til en Osimhen birti færslu á Twitter þar sem hann óskaði eftir því að foreldrar tali við börn sín og fái þau til að skilja að það er ógeðslegt að hata einstaklinga vegna húðlitar.



Koulibaly heyrði í stuðningsmönnunum og lét þá heyra það fyrir þessa hegðun en Barone, framkvæmdastjóri Fiorentina, gekk inn í klefa Napoli eftir leik og bað leikmenn afsökunar á framferði þeirra.