Manchester City heimsækir Liverpool í stórleik umferðarinnar í ensku úrvalsdeildinni í dag.
Það lið sem sigrar í dag getur farið á toppinn í deildinni. Liverpool er í 2. sæti tveimur stigum á eftir Chelsea sem vann 3-1 sigur á Southampton í gær.
City er þremur stigum á eftir Chelsea og með tveggja marka sigri í dag fer liðið á toppinn.
Pep Guardiola stjóri City sagði á blaðamannafundi fyrir leikinn að leikmennirnir verið að sýna miklar tilfinningar fyrir leikinn.
„Allar þessar tilfinningar verða að vera til staðar, spenna, stress, pressa. Ef þú finnur ekki fyrir þeim í svona mikilvægum leikjum, þá er þetta ekki fyrir þig. Ég finn ennþá þessar tilfinningar fyrir leiki."
Athugasemdir
