Landsliðsmenn Úrúgvæ hafa margir birt yfirlýsingu á Twitter þar sem þeir kalla eftir því að þriggja leikja banni Edinson Cavani verði aflétt.

Cavani var dæmdur í þriggja leikja bann fyrir að nota orðið „negrito" í kveðju á Instagram eftir skilaboð sem hann fékk frá vini sínum eftir leik gegn Southampton í lok nóvember.

Cavani var dæmdur í bann fyrir kynþáttafordóma en hann sagðist ekki hafa notað orðið í þeim tilgangi heldur sé þetta orð notað á annan hátt í hans mennignarheimi.

Diego Godin, Luis Suarez, Lucas Torreira og fleiri félagar Cavani úr landsliði Úrúgvæ hafa birt yfirlýsingu á Twitter í dag þar sem þeir kalla eftir að banninu sé aflétt.

Cavani tók út fyrsta leik sinn í banninu gegn Aston Villa á föstudaginn.