Henderson byrjar í miðverði með Fabinho sér við hlið í kvöld á meðan Thiago Alcantara kemur inn á miðjuna. Þetta er fyrsti byrjunarliðsleikur Thiago frá því hann meiddist á hné gegn Everton í október.

Henderson er ekki vanur að spila í miðri vörn en getur þó leyst það hlutverk. Klopp er því með tvo miðjumenn í vörninni á meðan Alex Oxlade-Chamberlain og Gini Wijnaldum hjálpa Thiago á miðjunni.

„Við þurfum hraða og tækni. Við þurfum að fá allt frá honum í þessum leik. Við höfum tekið þrjár æfingar og hann hefur aðeins spilað þessa stöðu áður," sagði Klopp.

„Southampton er að spila líflega 4-4-2 taktík. Þeir eru aggresífir og hugrakkir. Það þarf að spila fótbolta og það er eitthvað sem við gerum. Við þurfum réttu leikmennina í réttu stöðunum og ég vona að Thiago geti haft áhrif en þetta snýst ekki bara um hann," sagði hann ennfremur.