Union Berlin og Hertha Berlin áttust við í dag í grannslag í þýsku úrvalsdeildinni.

Því miður voru ekki áhorfendur á vellinum í dag eins og síðasta árið en stemningin á þessum grannslag er oftar en ekki engu lík.

Hertha er í fallbaráttu á meðan Union á enn möguleika á Evrópusæti. Því var mikið undir í þessum grannaslag í dag.

Það var Union sem komst yfir á níundu mínútu en markið gerði Robert Andrich. Á 35. mínútu fékk Hertha vítaspyrnu sem Dodi Lukebakio skoraði úr.

Staðan var 1-1 í hálfleik en þannig lauk leiknum. Ekkert var skorað í þeim síðari og því niðurstaðan jafntefli í Berlinar slagnum.

Hertha er tveimur stigum frá fallsætinu á meðan Union er sjöunda sæti, fjórum stigum frá Evrópusæti.