Mikael Egill hefur komið inn af bekknum í þremur af fjórum deildarleikjum Spezia á tímabilinu en ekki fengið að spila í meira en tíu mínútur í einu.

Mynd: Getty Images

Rómverjar heimsækja Udinese í síðasta leik dagsins og geta endurheimt toppsæti deildarinnar með sigri. Roma er með tíu stig eftir fjórar umferðir, einu stigi eftir toppliðum Napoli og Milan sem unnu stórleikina í gær. Udinese er búið að vinna tvo leiki í röð og er með sjö stig.

Nýliðar Cremonese taka á móti Sassuolo í fyrsta leik dagsins sem hefst í hádeginu úti á Ítalíu eða klukkan 10:30 hér á Íslandi. Spezia mætir svo Bologna áður en Verona og Sampdoria eigast við.

Mikael Egill Ellertsson er í leikmannahópi Spezia fyrir leikinn gegn lærisveinum Sinisa Mihajlovic. Mikael og félagar eru með fjögur stig og Bologna er með tvö.

Leikir dagsins:
10:30 Cremonese - Sassuolo
13:00 Spezia - Bologna
16:00 Verona - Sampdoria
18:45 Udinese - Roma