Áform um að ljúka deildartímabilum í júní eru úr sögunni og hefur þess í stað verið ákveðið að færa félagaskiptagluggann og framlengja samninga knattspyrnumanna sem myndu renna út í sumar.

Samningar þeirra verða framlengdir út tímabilið og mun næsta leiktíð fara seinna af stað og með styttu undirbúningstímabili.

Allir aðilar átta sig á því að framlengingar samninga gætu orðið vandamál lagalega séð en vona að fólk muni koma til móts við hvort annað til að leysa úr þeim vandamálum sem kunna að koma upp.