Fylkir er í um miðja deildina með 15 stig eftir 11 umferðir. Íslandsmeistarar Vals eru einu stigi fyrir ofan en Árbæingar eiga leik til góða.

„Við vorum alltof hægir í sóknaraðgerðum, slakar fyrirgjafir og lítil sem engin ákefð í þessu. Við áttum þetta bara skilið. Það var lítið tempó á boltanum, við vorum ekki að ná að skapa þau færi sem við höfum verið að gera í síðustu leikjum," sagði Helgi.

„Frábærar aðstæður hérna í dag en ég set spurningarmerki við völlinn sem var helvíti þurr í dag, hann var ekkert bleyttur. Það er eitthvað sem við erum óvanir, asnalegt að segja frá því. Við eigum bara að geta gert mikið betur heldur en við gerðum hér í dag. Skagamenn vildu þetta meira."

Helgi var spurður hvort Fylkir ætlaði að styrkja sig í sumarglugganum en svaraði því neitandi. Hann er sáttur með hópinn sem hann hefur undir höndunum.