Eddie Howe stjóri Newcastle hefur trú á því að Sven Botman miðvörður liðsins geti orðið einn af bestu miðvörðum ensku deildarinnar frá upphafi.
Þessi 22 ára gamli Hollendingur gekk til liðs við Newcastle í sumar frá Lille en hann hefur verið í byrjunarliðinu í tíu af þrettán leikjum liðsins.
„Botman er með allt til að vera eins góður og hvaða miðvörður sem er sem hefur verið rætt um í sögu úrvalsdeildarinnar. Hann er magnaður á boltanum, tæknilega á mjög háu stigi og getur spilað stutt og langt. Hann hefur allt, hann hefur aðlagast hraðanum í deildinni hratt og baráttunni," sagði Howe.
„Ég sé enga veikleika en auðvitað er hann mjög ungur."
Athugasemdir
