Chelsea sendi í morgun frá sér yfirlýsingu þar sem félagið greindi frá því að Thomas Tuchel hefði verið látinn fara frá félaginu. Tuchel hafði stýrt Chelsea frá því í janúar á síðasta ári.
Tímabilið hjá Chelsea hefur farið brösulega af stað, liðið er með tíu stig eftir sex leiki í úrvalsdeildinni og tapaði svo í gær gegn Dinamo Zagreb í Meistaradeildinni.
Tímabilið hjá Chelsea hefur farið brösulega af stað, liðið er með tíu stig eftir sex leiki í úrvalsdeildinni og tapaði svo í gær gegn Dinamo Zagreb í Meistaradeildinni.
Í grein The Athletic kemur fram að ákvörðunin um að reka Tuchel hafi ekkert með tapið í gær að gera, heldur hafi ákvörðunin verið tekin fyrir leikinn.
33 dagar eru frá því nýtt tímabil byrjaði og hafa fjórtán stjórar í sögu úrvalsdeildarinnar fengið sparkið fyrr á tímabilinu. Paul Sturrock hjá Southampton á metið en hann var rekinn níu daga eftir upphaf tímabilsins 2004-2005.
Athugasemdir
