Rick Parry, forseti enska deildasambandsins (EFL), viðurkennir að breytinga er þörf ef félög í neðri deildum eiga að lifa af fjárhagslega.
Parry, sem var eitt sinn framkvæmdastjóri Liverpool og formaður enska knattspyrnusambandsins, á þá ekki við um ástandið sem hefur skapast vegna kórónuveirunnar, heldur fjárhagsástandið almennt.
Parry bendir á að félög í ensku úrvalsdeildinni fái 3 milljarða punda í sjónvarpstekjur á hverri leiktíð. Sömu félög greiða 2,9 milljarða í laun.
Til samanburðar greiða félög í neðri deildum enska boltans 1 milljarð í laun en fá ekki nema 100 milljónir í sjónvarpstekjur.
„Eitt sem er gott við ástandið í heiminum í dag er að knattspyrnuheimurinn gæti breyst til hins betra. Við þurfum að finna betra fyrirkomulag til að tryggja fjárhagslegt öryggi félaga í neðri deildum," sagði Parry.
Athugasemdir