Leiknir Fáskrúðsfirði og Afturelding mættust í síðasta leik 10. umferðar 2. deildar karla í dag. Leikurinn var spilaður í Fjarðabyggðarhöllinni.

Afturelding var á toppnum fyrir leikinn og hafði ekki tapað leik í 2. deildinni. Það kom því eilítið á óvart að Leiknismenn skyldu komast 2-0 yfir með mörkum Almars Daða Jónssonar og Sæþórs Ívans Viðarssonar.

Andri Freyr Jónasson, aðalmarkaskorari Aftureldingar, minnkaði muninn fyrir hlé og var staðan 2-1 í hálfleik.

Svo fór að Afturelding jafnaði í seinni hálfleiknum og var þar Andri aftur að verki.

Ekki voru fleiri mörk skoruð og voru lokatölur 2-2 í Fjarðabyggðarhöllinni.

Hvað þýða þessi úrslit?
Afturelding er áfram á toppi deildarinnar með 24 stig en Leiiknir er í áttunda sæti með 10 stig.