Íslenska u21 árs landsliðið gerði 1-1 jafntefli gegn Grikklandi í undankeppni EM í gær.
Kolbeinn Þórðarson skoraði eina mark Íslands í leiknum. Hann var fyrirliði í leiknum í fjarveru Brynjólfs Willumssonar sem meiddist í leiknum gegn Hvít-Rússum á dögunum.
Kolbeinn leikur með Lommel í Belgíu en hann var spurður út í það hvernig honum litist á tímabilið sem er nýhafið þar.
„Það leggst bara vel í mig. Við erum með nýjan þjálfara því að þjálfarinn okkar fór til MK Dons fjórum dögum fyrir fyrsta leik. Það var svolítið sjokk og menn voru lélegir í fyrsta leik. Síðan vinnum við annan leikinn og jafntefli í þriðja þannig þetta er hægt og rólega að mjakast," sagði Kolbeinn.
Athugasemdir