Stundum gefa knattspyrnustjórar leikmönnum sínum miða til að koma fyrirmælum, oftast taktískum fyrirmælum, áleiðis.
Badou Ndiaye, leikmaður Trabzonspor í Tyrklandi og fyrrum leikmaður Stoke City, fékk miða frá þjálfara sínum í leik gegn Gaziantep FK.
Liðsfélagi rétti Ndiaye miðann sem las hann og ákvað svo að losa sig við hann með því að borða miðann. Hann vildi nefnilega ekki að neinn andstæðingur myndi sjá hvað væri á miðanum.
Hér að neðan má sjá myndband af þessu, en leikurinn endaði með 1-1 jafntefli. Trabzonspor er í öðru sæti tyrknesku úrvalsdeildarinnar, þremur stigum frá Istanbul Basaksehir. Trabzonspor á þó leik til góða á toppliðið.
Trabzonspor’s Badou Ndiaye eats his manager’s tactical note to stop opponents from reading it 🤣👏pic.twitter.com/XesIEUpwsI
— GiveMeSport Football (@GMS__Football) March 7, 2020
Athugasemdir