Lewis Grabban, fyrirliði Nottingham Forest.
Nýliðar Nottingham Forest í ensku úrvalsdeildinni eru í viðræðum við fyrirliðann Lewis Grabban um nýjan samning.
Grabban er 34 ára framherji sem skoraði þrettán mörk á síðasta tímabili og hjálpaði Forest að komast upp í deild þeirra bestu eftir 23 ára fjarveru.
Grabban er 34 ára framherji sem skoraði þrettán mörk á síðasta tímabili og hjálpaði Forest að komast upp í deild þeirra bestu eftir 23 ára fjarveru.
Varnarmennirnir Tobias Figueiredo, Gaetan Bong og Carl Jenkinson munu hinsvegar allir yfirgefa félagið þegar samningar þeirra renna út í sumar.
Figueiredo er 28 ára og kom frá Sporting Lissabon 2018, Bong er 34 ára Kamerúni sem spilaði aðeins sjö leiki á liðnu tímabili og Jenkinson er þrítugur fyrrum leikmaður Arsenal og West Ham. Hann lék seinni hluta síðasta tímabils á láni hjá Melbourne City í Ástralíu.
Keinan Davis, Philip Zinckernagel, Max Lowe, Djed Spence og James Garner hafa allir snúið aftur til félaga sinna eftir að hafa verið á láni hjá Forest.
Athugasemdir
