Olympiakos og Panathinaikos eru bæði komin áfram í 8-liða úrslit gríska bikarsins.
Olympiakos gerði 2-2 jafntefli við Atromitos í síðari leik liðanna í kvöld en grísku meistararnir fara samanlagt áfram, 6-3.
Brasilíski vinstri bakvörðurinn Marcelo skoraði þrjú mörk í viðureigninni.
Samúlek Kári Friðjónsson var í byrjunarliði Atromitos en var skipt af velli í hálfleik. Viðar Örn Kjartansson kom inná þegar tæpar fimmtán mínútur voru eftir af leiknum. Ögmundur Kristinsson sat allan tímann á bekknum hjá Olympiakos.
Hörður Björgvin Magnússon var ekki í hópnum hjá Panathinaikos í 2-0 sigrinum á Volos í dag. Hann meiddist í 1-0 tapinu gegn AEK og verður frá næstu daga.
Panathinaikos fer samanlagt áfram, 5-0. Liðið mætir Sverri Inga Ingasyni og félögum í PAOK í 8-liða úrslitum. Ögmundur og hans menn í Olympiakos mæta Aris.
Athugasemdir