Elín Metta Jensen
Það vakti athygli þegar Þorsteinn Halldórsson valdi Elínu Mettu Jensen í landsliðshópinn fyrir landsliðsverkefnið í apríl. Elín hafði glímt við meiðsli um veturinn. Stuttu áður heyrðust sögusagnir um að Elín væri jafnvel hætt í fótbolta.
Sjá einnig:
Elín hætt í fótbolta? - Hún segir það ekki rétt
„Kom aldrei til tals að Elín Metta væri hætt"
Samkeppnin er mikil - „Var ekki að afhenda henni EM sætið"
Sjá einnig:
Elín hætt í fótbolta? - Hún segir það ekki rétt
„Kom aldrei til tals að Elín Metta væri hætt"
Samkeppnin er mikil - „Var ekki að afhenda henni EM sætið"
Elín var í dag valin í lokahóp landsliðsins fyrir EM og var Steini spurður út í hana í viðtali eftir fréttamannafund.
„Ég er bjartsýnn á hana, held að hún sé á réttri leið. Í Prag og Belgrad leit hún vel út og ég hef bara trú á henni."
„Ástæðan fyrir því að ég vel leikmenn er sú að ég trúi á eitthvað. Ég trúi á að þetta séu leikmennirnir sem ég treysti og þetta séu leikmennirnir sem muni koma til með að skila frammistöðu inná vellinum."
„Þetta eru þeir 23 leikmenn sem ég trúi á og Elín Metta er inn í þeim hópi. Elín Metta er ólíkindatól og getur gert ótrúlegustu hluti."
„Ég vonast eftir því að hún eigi eftir að sýna það og sanna á þessu móti hversu megnug hún er," sagði Steini.
Viðtalið í heild má sjá hér að neðan.
'Ástæðan fyrir því að ég vel leikmenn er sú að ég trúi á eitthvað'
Athugasemdir
