Luke Shaw verður ekki með Manchester United þegar liðið mætir Watford á laugardaginn vegna höfuðmeiðsla.
Vinstri bakvörðurinn rotaðist eftir einvígi við Dani Carvajal í 2-1 tapi Englands gegn Spáni í síðustu viku.
Shaw var mættur til Manchester í gær þar sem hann var skoðaður nánar af læknaliði félagsins og nú er ljóst að hann verður ekki með gegn Watford.
Hann ætti þó að vera klár í slaginn fljótlega en samkvæmt reglum vegna höfuðmeiðsla má hann ekki fara of snemma af stað.
Athugasemdir