Félagið hefur krækt í framherjann Serge Kevyn Aboue Angoue, sem er 26 ára gamall.

Sèrge Kevyn, eins og hann er kallaður samkvæmt gömlu góðu Wikipedia, hefur spilað lengst af í Portúgal á sínum ferli. Núna síðast hefur hann verið á mála hjá Al-Ittihad í Líbíu og Mumbai City á Indlandi.

Hann á að baki átta A-landsleiki með Gabon þar sem Pierre Emerick Aubameyang, sóknarmaður Arsenal, er aðalstjarnan.

Leiknir er í tíunda sæti Lengjudeildarinnar og þarf að fara að spýta í lófana.