Timothy Weah, fæddur árið 2000. Hann kom inn á fyrir Neymar og skoraði.
Rúnar Alex Rúnarsson lék í gærkvöldi sinn fyrsta leik í frönsku úrvalsdeildinni en í kvöld lék stórliðið Paris Saint-Germain sinn fyrsta deildarleik á tímabilinu. Hinn efnilegi Timothy Weah stal sviðsljósinu.
PSG sigraði Mónakó örugglega í leiknum um Ofurbikarinn en í kvöld var mótherjinn Caen og fór leikurinn fram í París.
Nokkrir ungir leikmenn fengu sénsinn hjá PSG í kvöld en Thomas Tuchel virðist ætla að treysta á þessa leikmenn. Weah, sem er sonur George Weah, byrjaði þó á bekknum.
PSG komst yfir eftir 10 mínútur og var það Neymar sem skoraði. Adrien Rabiot bætti við marki fyrir hálfleik.
Kylian Mbappe var ekki með PSG í kvöld, en liðið saknaði hans ekki mikið í þessum leik. Weah kom inn á þegar 82 mínútur voru liðnar en á 89. mínútu var hann búinn að skora. Weah, sem er 18 ára, kom inn á fyrir Neymar.
Flottur sigur hjá PSG til að hefja tímabilið.
21st August 1992: George Weah scores his first Ligue 1 goal for PSG.
— Squawka News (@SquawkaNews) August 12, 2018
12th August 2018: Timothy Weah scores his first Ligue 1 goal for PSG.
👨👦 pic.twitter.com/Q6ESQlVB3t
Athugasemdir
