Juventus sér mikið eftir því að hafa ekki nælt í Erling Haaland frá Molde á sínum tíma segir yfirmaður knattspyrnumála félagsins, Federico Cherubini.
Haaland var þá orðaður við ýmis stórlið í Evrópu en samdi við Salzburg og fékk þar að leika með aðalliðinu.
Seinna samdi Haaland við Dortmund í Þýskalandi og er nú einn heitasti biti heims aðeins 21 árs gamall.
Juventus var ekki tilbúið að hleypa Haaland beint í aðalliðið og hafði hann ekki mikinn áhuga á að fara annað á láni.
„Við sjáum eftir því, það væri heimskulegt að segjqa eitthvað annað," sagði Cherubini við Tuttosport.
„Ungir leikmenn geta verið smeykir við það að fara á lán, við vorum að byrja U23 verkefnið okkar og kannski var tilboðið frá okkur ekki of spennandi."
„Kannski var hugmyndin um að fara á lán ekki sú besta fyrir hann. Þetta væri kannski öðruvísi í dag."
Athugasemdir