,,Hjarta mitt er íslenskt"
„Þetta var mjög sérstakur leikur. Ég var í byrjunarliðinu í fyrsta skipti, minn fyrsti landsleikur. Ég var svekktur með eigin frammistöðu, ég gat gert aðeins meira en svona er fyrsti leikurinn stundum; menn eru aðeins stressaðir og vilja stundum sýna of mikið," sagði hinn efnilegi Mikael Anderson um sinn fyrsta A-landsleik fyrir hönd Íslands.
Mikael var í byrjunarliðinu þegar Ísland burstaði Indónesíu 6-0 í vináttulandsleik á fimmtudag
„Við unnum 6-0 og það er það mikilvægasta í svona leikjum. VIð spiluðum ekki það vel í fyrri hálfleik en í seinni hálfleik kláruðum við þá og gerðum það vel."
Mikael var í byrjunarliðinu þegar Ísland burstaði Indónesíu 6-0 í vináttulandsleik á fimmtudag
„Við unnum 6-0 og það er það mikilvægasta í svona leikjum. VIð spiluðum ekki það vel í fyrri hálfleik en í seinni hálfleik kláruðum við þá og gerðum það vel."
Aðstæðurnar í leiknum á fimmtudag voru mjög erfiðar. Það voru pollar út um allan völl sem gerðu leikmönnum erfitt fyrir og gera þurfti hlé á leiknum þegar þrumur og eldingar voru í grendinni við leikstað. Leikurinn var þó kláraður.
„Þegar við komum út í seinni hálfleik var ekki hægt að spila fótbolta lengur," sagði Mikael.
Mikael hefur búið í Danmörku frá 11 ára aldri og hann á að baki leiki með U18 og U19 ára landsliðum Dana.
Móðir Mikaels er frá Íslandi en faðir hans er frá Jamaíka. Hann ákvað á síðasta ári að spila frekar með íslenska U21 landsliðinu heldur en því danska. Hann segir það gríðarlega mikinn heiður að fá tækifæri með íslenska A-landsliðinu.
„Þetta er mikill heiður. Þetta er mjög stórt fyrir mig og mína fjölskyldu. Ég er stoltur af þessu."
Sjá einnig:
Hver er Mikael Anderson sem byrjar hjá Íslandi?
„Ég er búinn að búa í Danmörku frá níu ára aldri. Ég er búinn að spila með unglingalandsliðum Danmerkur en hjarta mitt sagði mér að fara heim til Íslands. Hjarta mitt er íslenskt."
Viðtalið er í heild sinni hér að ofan.
Athugasemdir