Liðin eigast við í 32-liða úrslitum keppninnar en fyrri viðureignin fer fram á fimmtudaginn næsta.

Staða Oyarzabal hefur breyst mikið á síðustu dögum en það var talið í raun öruggt að hann myndi ekki spila þessa tvo mikilvægu leiki síns liðs.

Oyarzabal er að glíma við meiðsli aftan í læri en hann er óvænt í leikmannahópnum gegn Getafe í leik sem fer fram á morgun.

Vængmaðurinn hefur jafnað sig mjög fljótt af þessum meiðslum en búist er þó við að hann muni ekki byrja leik morgundagsins.

Um er að ræða mikilvægasta leikmann Sociedad sem meiddist um síðustu helgi í 4-1 sigri gegn Cadiz.