Jorginho er mættur með Sarri til Chelsea.
Ítalski miðjumaðurinn Jorginho hefur fylgt í fótspor knattspyrnustjórans og er kominn til Chelsea frá Napoli.
Sarri var ráðinn stjóri Chelsea í morgun og Jorginho er fyrsti leikmaðurinn sem hann fær til félagsins. Sarri þekkir Jorginho vel eftir að hafa þjálfað hann hjá Napoli á Ítalíu síðustu þrjú árin.
Talið er að Chelsea borgi 50 milljónir punda fyrir miðjumanninn sem á átta landsleiki fyrir Ítalíu. Hann skrifar undir fimm ára samning og fær treyju númer fimm.
Pep Guardiola, stjóri Manchester City, var búinn að vera á eftir Jorginho í sumar en hann valdi að fara með Sarri til Chelsea.
„Ég er í skýjunum með að vera kominn til Chelsea. Það er ekki auðvelt að komast í svona stórt félag svo ég er mjög, mjög ánægður," sagði hinn 26 ára gamli Jorginho.
Hann er fyrsti leikmaðurinn sem Chelsea fær í sumar.
Welcome to London, and welcome to Chelsea, Jorginho! 👊#WelcomeJorginhohttps://t.co/BnAsrtOA4I
— Chelsea FC (@ChelseaFC) July 14, 2018
Athugasemdir
