Brasilíumaðurinn kom frá Mónako og bíður nú eftir því að spila sinn fyrsta alvöru keppnisleik fyrir sitt nýja félag en hann sat allan tímann á bekknum gegn West Ham síðastliðinn sunnudag.

Hann byrjaði hinsvegar alla leikina á undirbúningstímabilinu og er sáttur við gang mála.

„Þegar ég kom til Liverpool vissi ég að það yrði samkeppni á miðjunni og ég held að það sé gott fyrir liðið. Ef eitthvað kemur fyrir leikmann þá getur einhver annað tekið við. Á undirbúningstímabilinu spilaði ég með fullt af mismunandi leikmönnum og við náðum vel saman,” sagði Fabinho.

„Ég held að frammistöður mínar hafa verið góðar. Þetta er öðruvísi leikstíll en Mónakó, við vorum tveir á miðsvæðinu þar en hér erum við þrír. Þeir sem hafa spilað með mér á miðjunni hafa gefið mér leiðsögn og vörnin hefur gert slíkt hið sama. Ég vissi að hlutverk mitt myndi breytast og mér líður eins og ég hafi aðlagast vel.”

„Þú leitast eftir leiðsögn og hjálp frá öðrum leikmönnum í kringum þig og það hefur virkað mjög vel hingað til. Leikmennirnir og þjálfararnir hafa verið frábærir. Ég hef verið komist vel inn í hlutina hjá félaginu, æfingarnar og leikirnir hafa verið góðir.”