Juventus 3 - 0 Frosinone
1-0 Paulo Dybala ('6)
2-0 Leonardo Bonucci ('17)
3-0 Cristiano Ronaldo ('63)
1-0 Paulo Dybala ('6)
2-0 Leonardo Bonucci ('17)
3-0 Cristiano Ronaldo ('63)
Frosinone átti aldrei séns er liðið kíkti í heimsókn til Ítalíumeistara Juventus í fyrsta leik helgarinnar í ítalska boltanum.
Juve tefldi fram gríðarlega sterku liði enda sagðist Massimiliano Allegri þjálfari líta á leikinn sem góðan undirbúning fyrir 16-liða úrslit Meistaradeildarinnar gegn Atletico Madrid í næstu viku.
Heimamenn fóru vel af stað og skoraði Paulo Dybala stórkostlegt mark með langskoti strax á sjöttu mínútu, eftir undirbúning frá Cristiano Ronaldo. Leonardo Bonucci tvöfaldaði forystuna skömmu síðar og staðan orðin 2-0 eftir rétt rúman stundarfjórðung.
Það var aðeins eitt lið á vellinum í kvöld og leit þetta út fyrir að vera róleg æfing hjá heimamönnum í Juve frekar en keppnisleikur í efstu deild.
Ronaldo innsiglaði sigurinn í síðari hálfleik og er þetta þriðji deildarleikurinn í röð sem honum tekst bæði að skora og leggja upp. Það hefur aðeins gerst einu sinni áður á ferlinum hans.
Juve er með fjórtán stiga forystu á toppi deildarinnar á meðan Frosinone er tveimur stigum frá öruggu sæti.
Of course it’s these two 🎯 pic.twitter.com/sQaaPWBc5Q
— B/R Football (@brfootball) February 15, 2019
Athugasemdir