Wales Online hefur birt einkunnir sínar fyrir leikmenn Cardiff eftir 3-2 tapið gegn Watford í ensku úrvalsdeildinni í dag.
Aron Einar Gunnarsson, landsliðsfyrirliðinn, lék 78 mínútur fyrir Cardiff en hann fær ekki góða dóma hjá Wales Online.
Hann fær 5 í einkunn, eins og nokkrir aðrir leikmenn Cardiff. Greinarhöfundur netmiðilsins fer ekki fögrum orðum um frammistöðu Íslendingsins.
„Líklega hans versti leikur síðan hann sneri aftur úr meiðslum," segir meðal annars í umsögninni um Aron sem má lesa í heild sinni hérna.
Aron fær líka 5 í einkunn hjá Sky Sports.
Athugasemdir