„Það gekk mjög margt upp, við hefðum viljað skora fleiri mörk þar sem við fengum færi til þess en mér fannst þetta stórkostlega vel spilaður leikur af okkar hálfu,“ sagði Donni þjálfari Þór/KA eftir 5-0 sigur á Grindavík í dag.
Lestu um leikinn: Þór/KA 5 - 0 Grindavík
Þór/KA sótti allan fyrri hálfleikinn og uppskáru mark á 43 mínútu.
„Þetta var klárlega mjög mikilvægt en við vissum að markið myndi koma en það var mjög gott að það skildi koma í fyrri hálfleik. Þá gátum við andað aðeins öðruvísi og skipulagt okkur öðruvísi í seinni hálfleikinn.“
Þór/KA fóru taplausar í gegnum fyrri umferð deildarinnar.
„Ég er mjög ánægður, við höfum ekki ennþá tapað leik í deildinni og búinn að fá fæst mörk á okkur og skora flest af öllum liðunum í dag. Það skiptir mestu máli hvar maður endar þegar þetta er búið og ef við höldum svona áfram verðum við meistarar. Þetta er allt í góðum málum en nú þarf að halda áfram.“
Andrea Mist og Lillý fóru meiddar af velli.
„Nei við vitum ekkert ennþá með Andreu. Hún fór upp á spítala og það er verið að meta þetta. Hún fékk högg á síðuna eftir samstuð við markmanninn og við vonum bara það besta í þessu. Lillý fékk höfuðhögg líka og fór útaf.“
Þór/KA mun ekki styrkja sig frekar í glugganum.
„Nei ekki planið eins og staðan er í dag.“
Hægt er að horfa á viðtalið í heild sinni í sjónvarpinu að ofan.
Athugasemdir