Tvö bestu lið skoska boltans, Celtic og Rangers, kíktu til Frakklands að spila æfingaleiki í gær.
Rangers gerði ótrúlega vel gegn Lyon og skoraði Ianis Hagi tvennu í fyrri hálfleik, áður en Ryan Kent var rekinn af velli á 39. mínútu.
Tíu leikmenn Rangers náðu að halda út til leiksloka og var Steven Gerrard stoltur af frábæru vinnuframlagi sinna manna sem eru að undirbúa sig fyrir næsta tímabil í Skotlandi.
Celtic spilaði við Nice og gerði jafntefli. Kasper Dolberg kom Nice yfir í fyrri hálfleik og jafnaði Patryk Klimala metin í þeim síðari.
Celtic hefur unnið skosku deildina undanfarin níu ár en Rangers virðist hafa verið vakið úr löngum dvala þegar Steven Gerrard tók við stjórn.
Lyon 0 - 2 Rangers
0-1 Ianis Hagi ('20)
0-2 Ianis Hagi ('25)
Rautt spjald: Ryan Kent, Rangers ('39)
Nice 1 - 1 Celtic
1-0 Kasper Dolberg ('38)
1-1 Patryk Klimala ('73)
Athugasemdir