Keppni í A-riðli undankeppni EM 2020 var að klárast. Englendingar enduðu undankeppnina á þægilegum sigri í Kosóvó.
Það tók England 32 mínútur að brjóta ísinn í Pristina, en fyrsta markið skoraði Harry Winks. Hans fyrsta A-landsliðsmark.
Harry Kane, Marcus Rashford og Mason Mount skoruðu svo þrjú mörk seint í leiknum og lokatölur 4-0. Mount var einnig að skora sitt fyrsta A-landsliðsmark.
England vinnur riðilinn með 21 stig. Í öðru sæti er Tékkland með 15 stig og Kósóvó í þriðja sæti með 11 stig.
England og Tékkland voru búin að tryggja sig á EM fyrir leiki dagsins, en Tékkland tapaði nokkuð óvænt í Búlgaríu. Búlgaría kom sér þar með af botni riðilsins og upp í fjórða sætið með sex stig.
A-riðill:
Kosóvó 0 - 4 England
0-1 Harry Winks ('32 )
0-2 Harry Kane ('79 )
0-3 Marcus Rashford ('83 )
0-4 Mason Mount ('90)
Búlgaría 1 - 0 Tékkland
1-0 Georgi Bozhilov ('56 )
Önnur úrslit:
Undankeppni EM: Ronaldo skaut Portúgal áfram
Athugasemdir