Real Madrid mun ekki reyna að kaupa Kylian Mbappe (22) í janúar og mun þess í stað reyna að fá hann næsta sumar, þegar samningur hans við Paris St-Germain rennur út. (Mundo Deportivo)

Philippe Coutinho (29) mun hafna Newcastle í janúar þar sem hann hefur ekki í huga að yfirgefa Barcelona. (Sport)

Úlfarnir eru tilbúnir að selja spænska vængmanninn Adama Traore (25) í janúar. Viðræður um nýjan samning hafa siglt í strand. Barcelona, hans fyrrum félag, gæti veitt Liverpool samkeppni. (90min)

Frank Lampard vill snúa aftur í ensku úrvalsdeildina á þessu tímabili. Hann er með auga á stjórastarfi Leicester ef Brendan Rodgers hættir til að taka við Manchester United af Ole Gunnar Solskjær. (Eurosport)

Wayne Rooney hyggst halda áfram sem stjóri Derby County þrátt fyrir að liðið muni örugglega falla eftir að níu stig til viðbótar voru dregin af því. (Sun)

Real Madrid gæti gert tilraun til að fá hollenska miðjumanninn Donny van de Beek (24) í janúar. Spænska félagið vonast eftir lágum verðmiða í ljósi þess hve lítinn spiltíma hann hefur fengið hjá Manchester United. (Fichajes)

Barcelona ætlar að bjóða 40 milljónir evra í Karim Adeyemi (19), framherja Red Bull Salzburg. Það er þó talið líklegast að Borussia Dortmund fái þýska leikmanninn. (Sport1)

Burnley er tilbúið að láta samning James Tarkowski (28) renna út næsta sumar frekar en að selja hann í janúar. West Ham og Newcastle vilja enska miðvörðinn. (Football Insider)

Everton gæti gert fimm milljóna punda tilboð í Calum Chambers (26) í janúar ef félagið getur ekki fengið Ainsley Maitland-Niles (24), félaga hans hjá Arsenal, á lánssamningi. (Sun)

Jose Mourinho, stjóri Roma, íhugar að gera tilboð í Diogo Dalot (22), portúgalska varnarmanninn í Manchester United. (Times)

Chelsea gæti reynt að gera samkomulag í janúar um að fá Aurelien Tchouameni (21), miðjumann Mónakó, næsta sumar. (TeamTalk)

Dean Smith vill fá góðkunningja sinn Conor Hourihane (30) til Norwich frá Aston Villa í janúar. (Football Insider)

Manchester United hefur sagt Dean Henderson (24) að hann fái að fara á lán til 2023. Henderson vill frekar fara alfarið frá félaginu. (90min)

Leeds United skoðar það að gera tilboð í enska miðjumanninn Marcus Tavernier (22) hjá Middlesbrough í janúarglugganum. (TeamTalk)

Hollenski miðjumaðurinn Xavi Simons (18) skoðar það að yfirgefa Paris St-Germain þegar samningur hans rennur út næsta sumar. Spænsk og þýsk félög hafa einnig áhuga. (Fabrizio Romano)

Juventus hyggst funda með umboðsmanni Matthijs de Ligt (22) til að ræða framtíð hollenska varnarmannsins. De Ligt er samningsbundinn til 2024 en gæri fengið tilboð um framlengingu. Barcelona hefur lengi horft löngunaraugum til hans. (Calciomercato)

Nottingham Forest vill fá skoska miðvörðinn John Souttar (25) frá Hearts og vonast til að vinna baráttu við Rangers um leikmanninn í janúar. (Football Insider)

Belgíski miðjumaðurinn Alex Witsel (32) gæti yfirgefið Borussia Dortmund í janúar. Juventus hefur áhuga. (Sky Sports í Þýskalandi)