„Craig Bellamy var ótrúlega erfiður þegar maður dæmdi hjá honum. Ég er stuðningsmaður Newcastle og horfði á hann, ég var aðdáandi því hann er sigurvegari. En það var algjör martröð að dæma hjá honum," segir Oliver.

„Hann kvartaði yfir öllu. Ef þú sagðir við hann að eitthvað væri svart þá svaraði hann og sagði að það væri hvítt."

Oliver er ekki eini dómarinn sem hefur talað um hversu erfitt það hafi verið að dæma hjá Bellamy. Howard Webb og Mark Clattenburg, sem voru báðir á sínum tíma meðal bestu dómara heims, hafa einnig talað um hann.