Tottenham er sagt vera bálreitt út af tímasetningunni á þessum tíðindum. Vika er eftir af deildinni og Tottenham í harðri baráttu um Evrópudeildarsæti.

„Einbeiting okkar er á að klára tímabilið eins vel og hægt er. Þar ætti einbeiting allra að vera," segir í tilkynningu Tottenham.

Breskir miðlar lesa í seinni línuna: „Þar ætti einbeiting allra að vera." Fréttaflutningur ytra er á þá leið að þetta sé skot á Harry Kane þar sem tveir mikilvægir leikir, gegn Aston Villa og Leicester, séu eftir.

Kane verður 28 ára í júlí og er samningsbundinn félaginu út tímabilið 2023/24. Verðmiðinn er talinn vera um 150 milljónir punda.