Danski landsliðsmaðurinn kom til Brentford á frjálsri sölu í byrjun ársins og gerði þá samning út tímabilið.

Hann verður því samningslaus um mánaðarmótin og er áhuginn á honum mikill.

Eriksen, sem er þrítugur, spilaði frábærlega með Brentford seinni hluta tímabilsins þar sem hann gerði eitt mark og lagði upp fjögur í ellefu deildarleikjum.

Brentford, Manchester United og Tottenham hafa öll verið í sambandi við Eriksen en samkvæmt Athletic kemur það ekki til greina að ganga í raðir United.

Eriksen vill búa áfram í Lundúnum og stendur því valið á milli Brentford og Tottenham. Hann hefur ekki enn gert upp hug sinn en ákvörðun ætti að liggja fyrir á næstu vikum.