Tevez lagði skóna á hilluna fyrir tveimur vikum eftir 20 ára farsælan feril.

Tevez er 38 ára gamall og lék síðast með Boca Juniors í heimalandinu. Hann yfirgaf Boca í fyrra og sagðist hafa tapað gleðinni og metnaðinum sem fylgja því að spila fótbolta á háu stigi eftir andlát föður síns.

Tevez lék meðal annars fyrir Manchester United, Manchester City og Juventus á ferlinum og á 76 landsleiki að baki fyrir Argentínu.

Núna er hann við það að gerast stjóri Rosario Central í Argentínu. Tevez ræddi við stjórnarmenn félagsins í þessari viku og heillaði þá upp úr skónum.