Svo virðist sem Everton sé búið að bætast í kapphlaupið um kantmann Bordeaux, Malcom.
Samkvæmt heimildum Sky fréttastofunnar er Everton komið langt í samningsviðræðum sínum við Bordeaux um kaup á Malcom.
Forráðamenn Bordeaux munu kíkja á fund með Everton á fimmtudaginn þar sem samningurinn verður ræddur en hann hljómar upp á 30 milljónir punda auk árangurstengdra bónusa.
Everton er sagt vera að íhuga að bjóða þessum 21. árs gamla leikmanni fimm ára samning sem myndi tryggja honum 80 þúsund pund í vikulaun.
Athugasemdir