Lestu um leikinn: Leiknir R. 2 -  1 Magni

Það er búin að vera umræða í gangi í vikunni vegna ummæla sem Brynjar Hlöðversson, leikmaður Leiknis Reykjavík, lét falla í leik gegn Fram síðustu helgi, sem hægt er að lesa nánar um hér

Einhverjir vilja meina að ummælin svipa til lélegra ummæla sem Þórarinn Ingi Valdimarsson, leikmaður Stjörnunar lét falla í leik gegn Leikni í fyrra, ummæli sem Leiknismenn voru sjálfir alls ekki sáttir með.

Siggi var ekki í nokkrum vafa um það að Brynjar ætti að spila leikinn gegn Magna í dag. „Það er ekki hægt að líkja þessu tveimur ummælum saman. Þetta er skrítin umræða, sagði Siggi Höskulds um þetta mál.

Brynjar sjálfur fór meiddur útaf leikvelli á 8. mínútu. Brynjar meiddist á hné og þetta leit ekki vel út fyrst um sinn. Aðspurður um meiðsli Brynjars sagði Siggi: „Við vitum það ekki alveg, það er örugglega eitthvað liðband eða eitthvað svoleiðis. Ekkert krossband eða neitt þannig, við vonum bara að hann verði tilbúinn sem fyrst."

Viðtalið sem tekið var við Sigga eftir leik má sjá í heild í spilaranum hér að ofan. Hann telur möguleika Leiknis á að fara upp mjög mikla.