Club Alianza Lima í Perú er búið að staðfesta yfirvofandi félagaskipti Kluiverth Aguilar til Englandsmeistara Manchester City.
Aguilar er hægri bakvörður sem má ekki ganga í raðir Man City fyrr en hann verður átján ára gamall. Það mun ekki gerast fyrr en á næsta ári.
Varnarmaðurinn er sextán ára sem stendur en verður sautján ára eftir nokkrar vikur. Hann mun því flytja til Englands á næsta ári, sumarið 2021.
Kaupverðið er óuppgefið en það er talið nema þremur milljónum evra, auk ýmissa ákvæða.
Aguilar er lykilmaður í U17 landsliði Perú og stóð sig vel með U23 landsliðinu í undankeppni fyrir Ólympíuleikana.
Athugasemdir