Tveir leikir eru á dagskrá í ensku úrvalsdeildinni í dag. Burnley mætir Wolves klukkan 17:30 og klukkan 20:00 mætast Chelsea og West Ham í Lundúnarslag.
Chelsea er í 8. sæti með 22 stig og getur með sigri í kvöld hoppað upp í 5. sæti. West Ham er með stigi minna í 10. sæti.
Kantmennirnir Callum Hudson-Odoi, og Hakim Ziyech eru áfram á meiðslalistanum hjá Chelsea og verða ekki með í kvöld.
Chelsea hefur tapað tveimur leikjum í röð en The Guardian spáir því að Olivier Giroud leiði áfram línuna hjá þeim bláklæddu og Tammy Abraham verði á bekknum.
Hér að neðan má sjá líkleg byrjunarlið hjá The Guardian.
Athugasemdir
